യഹോവ ദൈവമാം വിശുദ്ധ ജാതി നാം
അവനവകാശമാം ജനം നാം
പരദേശികള്‍ നാം ഭാഗ്യ ശാലികള്‍
ഇതുപോലൊരു ജാതിയുണ്ടോ?
ആപത്തില്‍ നമ്മുടെ ദിവ്യ സങ്കേതവും
ബലവും ദൈവമൊരുവനത്രെ
ആകയാല്‍ പാരിടം ആകെയിളകിലും
നാമിനി ഭയപ്പെടുകയില്ല
അവനീ തലത്തില്‍ അവമാനം നമു -
ക്കവകാശമെന്നോര്‍ത്തിടണം
അവനായ്‌ കഷ്ടതയേല്‍ക്കുകില്‍ തേജസ്സില്‍
അനന്ത യുഗം വാണിടും നാം
നിര നിര നിരയായ്‌ അണി നിരന്നിടുവിന്‍
കുരിശിന്‍ പടയാളികളെ
ജയ ജയ ജയ കാഹളമൂതിടുവിന്‍
ജയ വീരനാം യേശുവിന്
രചന: എം. ഇ. ചെറിയാന്‍
ആലാപനം: ബിനോയ്‌ ചാക്കോ & ജിജി സാം
പശ്ചാത്തല സംഗീതം: വി. ജെ. ജേക്കബ്‌
