ആയിരങ്ങളില്‍ സുന്ദരന്‍ വന്ദിതന്‍
ആരിലും ഉന്നതന്‍ ക്രിസ്തുവാം
അവനൊപ്പം പറയാനൊരാളുമില്ല
അവനെപ്പോല്‍ ആരാധ്യരാരുമില്ല
അവനില്‍ ശരണപ്പെട്ടാരുമേ ആരുമേ
ഒരുനാളും അലയാതെ മോദമായ്‌ മോദമായ്‌
മരുവും മരുവിലും ശാന്തമായ്‌
അവനിക്കു പൊതുവായ് നിറുത്തി ദൈവം
അവനെക്കൊണ്ടത്രേ നിരപ്പ് തന്നു
അവനെ വിട്ടൊരുനാളും പോകുമോ പോകുമോ
അരുതാത്തതൊന്നുമേ ചെയ്യുമോ ചെയ്യുമോ
അവനെയോര്‍ത്തനിശം ഞാന്‍ പാടിടും
വരുവിന്‍ വണങ്ങി നമസ്കരിപ്പിന്‍
ഒരുമിച്ചുണര്‍ന്നു പുകഴ്ത്തിടുവിന്‍
ബലവും ബഹുമാനം ആകവേ ആകവേ
തിരുമുന്‍പില്‍ അര്‍പ്പിച്ചു വീഴുവിന്‍ വീഴുവിന്‍
തിരുനാമം എന്നേയ്ക്കും വാഴ്ത്തുവിന്‍
രചന: ടി. കെ. സാമുവേല്‍
ആലാപനം: ജിജി സാം
പശ്ചാത്തല സംഗീതം: സണ്ണി ചിറയിന്‍കീഴ്‌
